2025eko edizioa

 

EGIN PORNOAZ HITZ

​

Hamar edizioren ondoren, Hitz Kolpe proiektuak bere konpromisoa berresten du: antzerki murgiltzailea eskaintzea, ez bakarrik interesgarria eta entretenigarria dena, baizik eta galderak eta elkarrizketak pizteko gaitasuna duena.

 

Hablar Porno Hablar ekimenak, bigarren urtez jarraian, pornoa du ardatz. Gai hau isilarazia bezain presente dago gazteen bizitzan. Aurten lanak bereziki jorratzen ditu maskulinitateen eraikuntza, intimitate digitala, baimena, harreman etika… Pornografiaren eskuragarritasun errazak eragin zuzena du belaunaldi berrien harremanetarako gaitasunean eta haien itxaropen afektibo zein sexualetan.

 

Proposamena antzerki-lan batek osatzen du, interpelatu eta probokatzen duenak, eta ondoren Emaize Zentro Sexologikoko langileek dinamizatutako eztabaida dator. Haien laguntzarekin gogoetak eta galderak partekatzeko espazio segurua eta parte-hartzailea sortu nahi dugu.

 

Pornografiaz hitz egitea ez da soilik sexuaz hitz egitea; sexu-hezkuntzaz, desiren aniztasunaz eta harreman osasungarriak eraikitzeko beharraz ere hitz egitea da, gure gizartean intimitatea eta plazera ulertzeko modua eraldatu dezaketen elementu gisa.